Godiva Chocolatier (海港城) (已搬遷) 新店位置

行尖沙咀熱到癡線晒，唯有走入商場避暑，咁啱就入咗嚟海港城，又咁啱見到「Godiva Chocolatier」，又咁啱醒起未食過。所以就把心一橫試一試，又消暑，又醫一醫個胃。Dark Chocolate Soft Serve朱古力味超濃，正確嚟講喺朱古力嘅苦味好濃，而唔喺香味濃，每一食一啖雪糕，就好似食緊每一啖朱古力咁。雖然好濃味，但喺油膩感唔重，如果俾我揀真喺零願食呢筒朱古力雪糕，都唔食佢賣嘅朱古力😂😂熱天消暑尤物。如果同H字頭嘅朱古力雪糕比，我覺得呢道嘅朱古力雪糕好味好多😂，因為呢道做到，可以話食緊朱古力，又可以話喺食緊雪糕，真喺分唔清朱古力多定喺雪糕多。