甜姨姨 (耀華街)

營業中

休息中

行行下街覺得太熱頂唔順想食下冰解熱，於是誤打誤撞就入咗嚟呢間。果然係夏天，個場好爆，我哋之後入嘅人都要排隊。眼見佢啲位都有啲迫，但我哋揀咗坐窗邊位就唔使同人迫。我哋叫左個楊枝甘露冰，佢分別俾左大同細嘅匙羹俾我哋，枱面有張紙教先用細再用大，我哋開頭都唔明點解，之後食落就知。個冰最頂有一塊芒果肉同啲椰漿，佢有另外跟一小杯芒果醬，話唔夠味再落，咁我哋想食重啲芒果味，同埋佢個冰本身個芒果味唔係太出，咁都有落晒，但可惜佢嘅芒果味係啲好假嘅人工芒果糖漿味。佢個冰啲冰粒偏大，唔係個種綿綿嘅口感，都要含一段時間先完全溶化，啱啲鍾意咬冰嘅朋友，但我個人黎講就麻麻。食到差唔多到底，佢有啲西米露同碌柚果肉，真係楊枝甘露有嘅配料，呢個都有啲驚喜嘅，但有啲太遲出現囉。上面咪講到佢有分大細匙羹，其實佢就係俾你食到最後好似食糖水咁，大啖大啖咁食。呢度食完之後要自己將個餐盤放去餐盤回收處，大家就要注意，記住有啲公德心幫吓手啦。