影片
更多
2023-07-20
209 瀏覽
行行吓街到五點幾條佬話肚餓，我就搵咗間食火鍋放題嘅「扇火鍋」填飽條佬個肚😎 去到門口見到佢哋推出咗夏日限定嘅「蕃茄壽喜燒限定套餐」😮 即刻心郁郁想試！晚市套餐價錢由$299-439不等，$369起就食到日本和牛🇯🇵 午市仲抵玩，$289就食到日本和牛😯 我就揀咗最平$299「澳洲產黑毛和牛及北海道四元豚放題套餐」嗰款💁🏻♀️ 限時90分鐘⏱餐廳環境幾大亦都幾整潔，有卡位可以坐，餐廳後方位置仲有啲座位係可以落簾，私隱度幾高😉餐廳內設有自助區，自助區有多達30多種配菜任選，有各式丸類、蔬菜、菇類、麵類、熟食揀，蔬菜區有我鍾意嘅羽衣甘藍同秋葵，可以食返夠本！😁最驚喜係熟食區有關東煮同章魚燒，好少見😯 仲有飲品放題，汽水、果汁、茶類、啤酒都係任飲🍻 另外當然唔少得有雪糕機啦，可以自己擠雪糕食🍦有乳酪及牛奶雪糕食～呢度係scan QR code落單，落單無耐已經好快有嘢食送到，店員仲好快手幫我哋準備個壽喜燒！♥ 蕃茄壽喜燒傳統壽喜燒就食得多，蕃茄壽喜燒都係第一次食😮 鐵鍋內鋪滿時令野菜，待野菜煮到出煙後就可以加入肉類，再淋上以特製蕃茄壽喜燒汁💁🏻♀️呢款夏日限定壽喜燒以特製蕃茄壽喜燒汁代替傳統壽
去到門口見到佢哋推出咗夏日限定嘅「蕃茄壽喜燒限定套餐」😮 即刻心郁郁想試！晚市套餐價錢由$299-439不等，$369起就食到日本和牛🇯🇵 午市仲抵玩，$289就食到日本和牛😯 我就揀咗最平$299「澳洲產黑毛和牛及北海道四元豚放題套餐」嗰款💁🏻♀️ 限時90分鐘⏱
餐廳環境幾大亦都幾整潔，有卡位可以坐，餐廳後方位置仲有啲座位係可以落簾，私隱度幾高😉
餐廳內設有自助區，自助區有多達30多種配菜任選，有各式丸類、蔬菜、菇類、麵類、熟食揀，蔬菜區有我鍾意嘅羽衣甘藍同秋葵，可以食返夠本！😁
最驚喜係熟食區有關東煮同章魚燒，好少見😯
仲有飲品放題，汽水、果汁、茶類、啤酒都係任飲🍻
另外當然唔少得有雪糕機啦，可以自己擠雪糕食🍦有乳酪及牛奶雪糕食～呢度係scan QR code落單，落單無耐已經好快有嘢食送到，店員仲好快手幫我哋準備個壽喜燒！
♥ 蕃茄壽喜燒
傳統壽喜燒就食得多，蕃茄壽喜燒都係第一次食😮
鐵鍋內鋪滿時令野菜，待野菜煮到出煙後就可以加入肉類，再淋上以特製蕃茄壽喜燒汁💁🏻♀️
呢款夏日限定壽喜燒以特製蕃茄壽喜燒汁代替傳統壽喜燒醬汁，唔似普通蕃茄湯底味道咁單調👀 蕃茄壽喜燒汁好濃稠，似係用咗唔少蕃茄熬製，見到入面有蕃茄蓉及蕃茄粒🍅 酸中帶甜，酸甜滋味，酸爽又開胃，茄香味濃😙 將醬汁倒滿至三分一鍋已足夠～鍋內有時令野菜，加入洋蔥令壽喜燒煮出嚟更甜☺️
肉類有澳洲產黑毛和牛、封門柳、牛舌、四元豚及板腱肉
澳洲黑毛和牛油花適量，食落唔太膩，食多幾碟都得😎
封門柳牛味濃郁，鬆軟有咬口
板腱肉有筋位，脂肪相對較少，但食落唔會嚡口👍🏻
牛舌同四元豚肉質軟腍😛 不得不說，蕃茄壽喜燒汁同豬肉係幾夾，後嚟我都叫咗幾轉豬肉😂肉類質素唔錯，配上醬汁每啖都有濃郁蕃茄酸甜香氣，同時又解膩🤭
最後就加湯打邊爐啦～
♥ 任食海鮮
☞ 滿$259金額，可以任食蟹籽蝦滑、原隻魷魚仔、墨魚、仿皇帝蟹棒
海鮮類都唔錯，可以任食抵呀😂 特別推介墨魚，幾彈牙！
食飽飽仲可以喺門口玩「千本引」拉繩挑戰，每條繩都綁上禮品，只要揀一條繩索拉出就有機會抽到日本夏日祭典玩具、日本懷舊零食及餐飲優惠券🎟💬 總結
店員服務周到而且有效率，埋單前會提我哋食雪糕😂 價錢方面都幾划算，趁夏天快啲去試試佢！
張貼
