聯記川王涼粉 (已搬遷) 新店位置

川粵的麻辣不夠滿足，離開紅磡之際，見聯記川王門外竟然無人龍，立即叫個小辣川北涼粉 ($16) 溝溝貨。川王的座位不多，和女友拿著外賣盒，走至紅館外對出空地，攝氏十二度下吹吹海風，望住新落成的 K11 開餐，倒算是另類情調。涼粉份量不多，勝在夠凍夠滑溜，浸在鮮紅色的辣油內，配合花椒、大蒜、香蔥等調味料，味道先麻後辣，愈食愈刺激，吃罷肚內傳來一陣灼熱，是真正的川辣！寫寫下食評感到肚餓，真想吃麻辣牛脷、口水雞、蒜泥白肉．．．點解我唔係住響紅磡區呢？