板長壽司 (黃大仙中心北館) (已結業)

疫情之下食多左外賣，呢段時間大部份餐廳外賣自取都有折，呢間黃大仙板長壽司就岩岩相反，丼飯外賣自取冇折不但止，仲要加一，比錢個陣收銀冇提醒，我都係比完錢見咁貴先發現。唔知外賣加一係咪已經好普遍，但就我個人而言，堂食有享用侍應服務嘅，應該加一/比tips，但外賣冇享用侍應服務嘅，就冇需要加一/比tips，最多比返外賣盒錢就合理d。食物方面，味道係ok嘅，但都有可改善嘅地方，例如蟹肉碎有蟹殼，魚生薄ee，細過零食牛肉乾，有d搵笨。價格同質素相比之下，我寧願去返同一商場嘅和氣食堂，起碼個人地d魚生厚切又大大塊塊，質素又唔差。