芝味鳥 (H.A.N.D.S) (已結業)

於母親節前一日同咁多位母親一齊叫外賣大家開心聚下，我地叫左三款炸雞食，一送到黎個外賣盒已經成個濕晒，三款炸雞變左得一款見唔到有咩分別，打去CS去問下究竟發生咩事，個女CS就話第40分鐘再送過一批俾我地，到我地等左大約40分鐘，個外賣員再送黎，今次分開左兩個靚盒黎裝，更明顯地見到三款不同味，但個外賣員話要返上一批炸雞，我地就話之前女CS無講過要返，我地即時打電話俾個女CS向外賣員證明無需我地俾返上一批雞佢，個女CS唔知我地開左speaker，語氣好差咁同個外賣員講話「佢地班人話點就點喇」，個外賣員想著著住鞋衝入屋搶個電話黎聽，之後仲話「你地唔夠食都唔係咁」，講到我地好似乞佢啲雞食咁，成件事完全無諗過會係咁，最後我地俾返晒啲雞個外賣員叫佢地走，之後就再打去CS，今次有個男CS聽電話，亦向佢表明整件事始沒，希望佢真係會跟進。大家叫外賣要三思。