Gustoso Burger (海都大廈) (已結業)

有人介紹公司附近一間burger店，今日趁機過去試吓，鋪面細細只做外賣，啱晒附近嘅打工仔。店面只貼出英文餐牌，其實都有中文版本嘅，除了一般嘅豬牛雞素，仲有海鮮同和牛漢堡可選，最後揀咗三重芝士和牛堡，再加$18轉套餐，有三粒香芋地瓜丸同埋飲品。和牛漢堡要等10分鐘，行吓街就返嚟取外賣。首先要讚吓佢嗰三粒地瓜丸，真係好好食，煙煙韌韌咁，裏面有啲芋融，值得推介！重點漢堡包都好好食，眼見有兩種唔同顏色嘅芝士，溶溶地食落好正！和牛漢堡都非常好食，而且好大件，好香！飲品就揀咗經典珍珠奶茶（珍珠要加$4 ），正常水準，珍珠夠煙靭，合我心意！