一汁一菜 (中環街市) (已結業)

一汁一菜好似越來越多分店，我鍾意佢夠日式住家飯feel，今日就等我試吓佢咩料啦！套餐主要有三款，第一款係湯+日本米飯，第二款係湯+一品料理+日本米飯，第三款係湯+咖喱飯。結果我係同朋友一齊揀咗第二款。法式龍蝦濃湯我一打開個湯蓋，就已經聞到香噴噴嘅龍蝦湯味！龍蝦湯好香濃，入面有好多舊大大嚿嘅蝦肉，性價比好高！北海道產甜粟米雞肉豆乳濃湯呢個湯夠晒creamy，粟米味好香，而且雞肉大件，絕對係真材實料！飲完都好飽肚！油揚豆腐黑豚薑汁燒豚肉肉質細嫩，味道鮮美，而且有淡淡的薑汁，味道不錯。五彩椰菜濃豆腐拌呢個涼拌的確係生津開胃，蔬菜口感爽脆，好啱素食人士！