囍越 (將軍澳中心)

營業中

休息中

繼續外賣放送，之前食過囍越，食物質素唔差，朋友話我知最近做緊6折外賣自取，真係平到難以置信😝《燒肥牛配燒豬耳扎肉酸菜凍檬粉 $72》份量好足！肥牛唔乾唔老，豬耳爽脆，扎肉3塊口感紮實。撈埋一齊，再加魚露，酸酸甜甜好好食。《燒香茅豬扒湯粉 $68》目測香茅豬扒有7-8件，本身亦好大塊，醃料香而且好足，肉質唔會整到又乾又硬。《菠蘿海鮮炒飯 $98》菠蘿另上幾細心，香甜多汁，忍唔住偷食左2件😝海鮮亦不少，飯粒有煙靱咬口。《馬拉盞豬肉鬆炒飯 $84》好重鹹香味，帶有少許微辣，醬汁均勻包裹著每粒米飯，加埋豬肉碎、香蔥、九層塔，味道豐富得來好有層次。《香茅雞翼凍檬粉 $78》呢個係咁多款裡面最普通既一款。雞翼3大隻，但炸漿有d厚身同淋左，幸好肉質嫩滑，算多肉汁。