金記冰室 (新都城中心二期) (已結業)

又來金記食晚飯，Wfh嘅日子越黎越耐，今日外賣自取返屋企一家人一齊食😊海南雞半隻～我至愛，每次去到都必叫嘅，今次嘅雞件一如既往嘅嫩滑，好快就清晒，如果分量多啲就好了😆粟米魚柳～好欣賞呢度嘅細心，無特別叫，店家都主動將粟米汁同埋炸魚柳分開擺，唔會浸到淋晒，就算返到屋企，魚柳依然保持脆卜卜韭黃蝦球炒滑蛋～店家好大方，我就咁數一疊都有成十件八件蝦球，而且大大隻，又爽口，滑蛋有少少牛油味，明顯落足心機整👍喺屋企都咁好食😋希望快啲抗疫完畢，我哋可以多啲出去食飯了