影片
更多
2021-02-28
6414 瀏覽
「馬祖台灣養生湯麵館」嘅出品唔錯，我並唔係第一次食，而朋友食過亦讚好。不過今次我係買外賣返去做晚餐嘅，因為晚市仲未有得堂食！我去到門口先用App落單，順便入舖同店員講聲到咗，點知佢話外賣差唔多搞掂🤣，會唔會太有效率？！餐廳主打養生湯麵，但買外賣都唔使擔心，因為佢係主動分湯上的🍜。雖然一碗內用隔兜裝麵，都能達到同樣效果兼慳位；分兩兜放係會多咗嘢拎，不過反而確保到湯水量充足，唔會唔夠湯。香辣養生湯農場雞米線($66)，呢度嘅湯麵款式看似好多，但其實又唔係，只係配搭起上嚟所產生嘅幻覺😛。作為餐廳名物嘅農場雞果然無令人失望，雞件位置絕對唔係得骨嘅下欄位🐔，有大啖肉之餘，肉質亦能保持嫩滑。雞肉以外，每碗麵都配有木耳同芫荽。香辣藥膳牛肉湯手工麵($77)，台灣牛肉麵亦係另一大路菜式。🐮牛肉同蘿蔔嘅件數唔多，但就絕對稱得上係巨無霸，大大件！牛肉同筋位嘅比例適中，炆得好軟稔，而蘿蔔就好甜兼無渣。牛肉湯底係同養生湯底有啲唔同，顏色亦較深色。雖則叫藥膳，但其實唔會好重味。藥膳養生湯墨魚春卷拼白菜豬肉餃米線($65)，呢碗米線有兩款餸，餸量唔多，🦑墨魚春卷同🥟白菜餃各有兩件，味道中矩中舉，未算令人難忘，不過
「馬祖台灣養生湯麵館」嘅出品唔錯，我並唔係第一次食，而朋友食過亦讚好。不過今次我係買外賣返去做晚餐嘅，因為晚市仲未有得堂食！我去到門口先用App落單，順便入舖同店員講聲到咗，點知佢話外賣差唔多搞掂🤣，會唔會太有效率？！
餐廳主打養生湯麵，但買外賣都唔使擔心，因為佢係主動分湯上的🍜。雖然一碗內用隔兜裝麵，都能達到同樣效果兼慳位；分兩兜放係會多咗嘢拎，不過反而確保到湯水量充足，唔會唔夠湯。
香辣養生湯農場雞米線
$66
50 瀏覽
1 讚好
0 留言
香辣藥膳牛肉湯手工麵
$77
61 瀏覽
0 讚好
0 留言
藥膳養生湯墨魚春卷拼白菜豬肉餃米線
$65
42 瀏覽
0 讚好
0 留言
養生湯係呢度嘅招牌，湯底看似平平無奇，但用匙羹撈起會發現寶物沉歸底😱。湯頭用上唔少材料熬製，例如淮山、牛蒡、紅棗、龍眼肉同杞子等，所以飲落味道清甜🤤，藥材味甚至比起肉骨茶弱。同時，湯底係可以揀辣度，小辣、中辣以至大辣。不過原來外賣係會將辣椒放喺麵嗰邊，所以客人就能夠進一步自己調節食幾辣🌶。
麵底劃分米線同手工麵，兩者各有各好味，不過共通點就係份量超多，係其他餐廳加咗底嘅量，所以完全唔使驚會唔飽👍。米線偏粗身，即使係外賣，麵質亦保持Q彈。手工麵有啲似扁身嘅烏冬，食落有嚼勁，一啲都唔淋，更無碎濕濕嘅情況。
總括嚟講，馬祖嘅🥡外賣湯麵質素同堂食一樣咁好，份量亦無減少，絕對係平靚正之選，特別係而家都仲叫天冷之時嘛😋。我希望馬祖快啲喺九龍區開返間分店啦，咁就度度都有得食喇！
張貼
