影片
更多
2018-03-27
909 瀏覽
約朋友食飯，還記得我地上次去澳門大吃大喝，盡興而歸。今次我哋決定再戰葡國菜，上網見到呢間穩陣，一於試吓。餐廳位於青山道，其實平時響荔枝角搭車返屋企沿途都會經過見到佢，裝修同氣氛明顯同旁邊其他鋪頭唔同，都幾sharp 架。我同朋友叫咗一個set dinner，香煎挪威三文魚扒蒜香墨魚汁意粉伴菠菜 (with set $198)再叫D葡國特色野試吓。首先出場嘅係跟餐嘅沙律，我哋揀咗大蝦凱撒。大大隻蝦球，肉質好結實，羅馬生菜亦都好新鮮。雖然佢係跟餐沙律，但係一啲都唔求其，份量都唔少，兩個人share都好夠食。餐湯係菠菜蓉忌廉湯，不過不失，加啲黑椒會好味D。香烤沙甸魚配田園沙律$82，葡國特色食品，識食一定食呢啲。一上枱，嘩，啱啱烤出嚟嘅咋，好香！我地急不及待已經每人一條，滴少少檸檬汁上面，我唔客氣啦！魚皮烤到脆脆地，魚肉好滋味，魚骨係細細軟軟嘅，好容易分開。有魚味得來，仲要係一啲都唔腥架！呢條沙甸魚，我俾五星星。有美食豈能冇美酒？本來想叫返杯西葡特飲sangria 回味吓，想落order 之際，見到有葡國啤酒買一送一，即係廿幾蚊一枝咋！即刻轉軚先，我地叫左一黃一黑。易入口、好香麥味、夠凍、唔
餐廳位於青山道，其實平時響荔枝角搭車返屋企沿途都會經過見到佢，裝修同氣氛明顯同旁邊其他鋪頭唔同，都幾sharp 架。
我同朋友叫咗一個set dinner，香煎挪威三文魚扒蒜香墨魚汁意粉伴菠菜 (with set $198)再叫D葡國特色野試吓。
首先出場嘅係跟餐嘅沙律，我哋揀咗大蝦凱撒。大大隻蝦球，肉質好結實，羅馬生菜亦都好新鮮。雖然佢係跟餐沙律，但係一啲都唔求其，份量都唔少，兩個人share都好夠食。
大蝦凱撒
12 瀏覽
0 讚好
0 留言
餐湯係菠菜蓉忌廉湯，不過不失，加啲黑椒會好味D。
菠菜忌廉湯
12 瀏覽
0 讚好
0 留言
香烤沙甸魚配田園沙律$82，葡國特色食品，識食一定食呢啲。
一上枱，嘩，啱啱烤出嚟嘅咋，好香！
我地急不及待已經每人一條，滴少少檸檬汁上面，我唔客氣啦！
魚皮烤到脆脆地，魚肉好滋味，魚骨係細細軟軟嘅，好容易分開。有魚味得來，仲要係一啲都唔腥架！
呢條沙甸魚，我俾五星星。
香烤沙甸魚配田園沙律$82
9 瀏覽
0 讚好
0 留言
有美食豈能冇美酒？本來想叫返杯西葡特飲sangria 回味吓，想落order 之際，見到有葡國啤酒買一送一，即係廿幾蚊一枝咋！
即刻轉軚先，我地叫左一黃一黑。易入口、好香麥味、夠凍、唔苦，同飲開的啤酒好唔同，個人覺得黑啤好飲D 。
Super Bock
12 瀏覽
0 讚好
0 留言
Set dinner 嘅主菜出場，係香煎挪威三文魚扒蒜香墨魚汁意粉伴菠菜 。三文魚扒size 是巨型的，份量幾乎多個墨魚汁意粉。三文魚煎得好香，由於超厚切嘅關係，魚肉外皮香脆，裡面嫰滑，好好味！
香煎挪威三文魚扒蒜香墨魚汁意粉伴菠菜
7 瀏覽
0 讚好
0 留言
而墨魚汁意粉係黑色嘅意粉，由於冇另外加到墨魚汁，所以唔會食到成口烏卒卒。食起上嚟係方便嘅，但係就少咗墨魚嘅鮮味。意粉佢用蒜蓉炒，好香蒜蓉同牛油味。
建議可以加多點菠菜，因為啲菠菜入曬味真係好正㗎！
香煎挪威三文魚扒蒜香墨魚汁意粉伴菠菜
6 瀏覽
0 讚好
0 留言
我地仲 order 左傳統葡萄牙海鮮燴飯$168，以為佢用傳統大盤上，點知係用咗白色湯碟，睇落份量好少，但係食下食下都覺得好夠。
海鮮都幾多架，有一隻煎大虎蝦、青口、帶子、蝦仁、魷魚、魚片，全部都係用靚料。燴飯濕濕地又唔會有湯汁滴出來，飯嘅濕度控制得啱啱好，仲有好香番茄味，食得出有加黑椒，酸酸甜甜少少辣好惹味！另外這大虎蝦煎得好香，蝦肉結實。
相比起墨魚汁意粉，我鍾意海鮮飯多啲。
傳統葡萄牙海鮮燴飯$168
9 瀏覽
0 讚好
0 留言
其實已經超飽，但係set仲有包一個甜品。而我哋就叫左最細細件嘅 Tiramisu 。
賣相都好有心思喎，味道都唔錯，層次分明。
Tiramisu
8 瀏覽
0 讚好
0 留言
原來都仲有一杯餐飲，我就叫左杯熱檸水消吓滯。
建議餐飲可以用啲靚靚嘅杯上，襯返個靚甜品，俾我影返幾張呃 like 都好吖！
Service好好呀，菜式係逐道上，慢慢食慢慢嘆，咁食物先至唔會凍哂㗎嘛！每上一碟菜，侍應哥哥都會過嚟介紹吓，仲會幫手換餐碟，very good 呀！樓底高，唔會嘈，好好坐。此情此景，飲返兩杯就啱啦
價錢好抵，每人都係二百幾咋！
以後有多一個新浦點喇！
張貼
