沙嗲王 (已結業)

係尖咀玩完手作仔就去揾食，本想食某間拉麵但揾唔到，最後又黎左沙嗲王。餐牌又轉左，多左新野，但少左好多炒小炒，感覺餐牌上嘅野越黎越飽肚。水牛芝士蕃茄pizza，pizza底係用酥油餅整嘅，好正，芝士雖然多但味唔濃，蕃茄好酸，奇怪係四粒車厘茄再加四塊切開嘅蕃茄？賣相唔見得靚左喎。鹽酥雞軟骨，小小咸，炸得好香口，唔算好油，雞軟骨好有咬口又唔太硬，幾好食。白咖哩豬扒飯，水準依舊，好食，撈汁送飯一流。冬蔭功湯，都幾足料，有蝦，蛤蜊，菇等，少少辣，香料味不足但都唔錯。埋單有現金券回贈，啲野碟頭都幾大食得飽飽，唔怪得成日都咁多人。