影片
更多
2023-02-13
2336 瀏覽
多年水準如一🍷愉快鋸扒體驗❤️La Vache!(SOHO)@lavachehk 大概4-5年前同事聚餐去過一次尖沙咀La Vache!，當年覺得任食薯條好有趣、牛扒又好食，更重要係環境高檔得嚟（燈光比較昏暗）有種親密貼地感。估唔到多年後再食，雖然今次係到訪SOHO分店，水準一樣好，整體俾我嘅感覺冇變，依舊舒適，用餐體驗同樣愉快。晚市正價餐牌🍽人均：$400-$800 （視乎有冇額外order酒同甜品）🕰時間：19:30-21:00 （需預約留枱）每枱用餐時間限時90分鐘。由於餐廳晚市每個時段都基乎爆滿，店員差唔多夠鐘都會提醒食客，但店員都好nice，如果真係未食完都會睇吓可唔可以安排你到方便嘅位置繼續食👍🏻🥩劃一牛扒餐 $398/每位🥖Bread 餐包（配上🧈Paysan Breton Beurre Doux Butter) 由於係劃一餐單，每枱食客一坐低，店員就立即上一籃餐包（每2人4塊、配2個10g嘅Beurre Doux Butter）餐包好脆，同牛油絕配😋包係可以添加的👍🏻🥗Salad沙律每人一碟沙律，生菜🥬紅洋蔥🧅合桃，霖上一層油，為大餐點綴一丁點健康感🤣🍟Unlimited
@lavachehk
大概4-5年前同事聚餐去過一次尖沙咀La Vache!，當年覺得任食薯條好有趣、牛扒又好食，更重要係環境高檔得嚟（燈光比較昏暗）有種親密貼地感。估唔到多年後再食，雖然今次係到訪SOHO分店，水準一樣好，整體俾我嘅感覺冇變，依舊舒適，用餐體驗同樣愉快。
晚市正價餐牌
🍽人均：$400-$800 （視乎有冇額外order酒同甜品）
🕰時間：19:30-21:00 （需預約留枱）
每枱用餐時間限時90分鐘。由於餐廳晚市每個時段都基乎爆滿，店員差唔多夠鐘都會提醒食客，但店員都好nice，如果真係未食完都會睇吓可唔可以安排你到方便嘅位置繼續食👍🏻
🥩劃一牛扒餐 $398/每位
🥖Bread 餐包（配上🧈Paysan Breton Beurre Doux Butter)
由於係劃一餐單，每枱食客一坐低，店員就立即上一籃餐包（每2人4塊、配2個10g嘅Beurre Doux Butter）餐包好脆，同牛油絕配😋包係可以添加的👍🏻
🥗Salad沙律
每人一碟沙律，生菜🥬紅洋蔥🧅合桃，霖上一層油，為大餐點綴一丁點健康感🤣
🍟Unlimited fries 可無限添加薯條
即炸幼薯條十分有誠意，每次店員添加上碟嘅薯條都係熱辣辣♨️再配上佢哋提供嘅醬汁，我食都咗2碟😋
🥩Ribeye 肉眼扒
即使上扒時會係放喺同一個鐵盤，每位食客都可以自訂生熟度，店員會mark低喺各自枱上嘅餐單紙上以作記認，所以一班朋友去都唔會搞錯👍🏻我叫咗5成熟，啱啱好！牛扒肉質鮮嫩😋最值得讚嘅係餐廳將牛扒放置喺一個架上，用蠟燭仔去保溫塊牛扒。因為平時喺其他餐廳鋸扒，一邊鋸、一邊同朋友傾偈，牛扒好快就凍咗。而牛扒唔熱/暖，就唔好食，甚至可能會腥。佢keep住牛扒嘅溫熱度令我食嘅每一啖牛扒都保持一定水準，啖啖都好食！大讚❤️❤️❤️
🍷a BLT of La Vache house red （2019）$448
鋸扒又點少得開返支紅酒？佢哋自家品牌紅酒不過不失，唔會偏酸或偏甜，配牛扒一流👍🏻
🍰 Mille Feuille $128
成餐飯聽咗3次生日歌🎵 先發現原來都頗多人係去慶生🎂餐廳喺甜品碟寫生日祝福，店員送上甜品時最少一行2人，1個拎住個bell，1個送餐☺️好溫馨！餐廳仲會大聲播生日歌，全場人都會拍手掌送上祝福🎉店員仲會為生日嗰枱影Polaroid，然後放喺個卡裡面送俾壽星📸
講咗咁耐，差啲唔記得講我覺得餐廳嘅甜品好好食，唔會甜❤️推薦一試👍🏻
Bible rating: 9.5/10
📍地址：La Vache! (中環)
中環蘇豪卑利街48號地舖
張貼
