影片
更多
2017-05-29
887 瀏覽
今日，咁難得兩個家姐都放工，緊係要一齊去“Happy Hour”啦。我哋一向都好鍾意食串燒、煎釀三寶之類，所以就揀咗呢間《三郎麪燒店》。一開始，我哋見間店嘅地段咁僻遠，都擔心間野會唔會冇咩人去呢? 點知我哋嘅擔心係無謂嘅。麪燒店裡面嘅裝修富有日本風格，和味無窮……入面唔少客人都係一雙一對嘅情侶，一邊談心，一邊食嘢，sweet到極致!!!老闆一見到我哋，就笑面盈盈，畀咗張點餐紙我哋。家姐即刻瘋狂叫野食，餓到呢……你懂的~1.串燒雞肶肉 ($18/串)成串燒到香噴噴，啖啖嫩滑，完全唔油膩! 本來我哋重想叫多幾串，不過為咗留肚食其他嘢，就忍口啦!2.串燒金菇肥牛 （$18/串）鍾意金菇肥牛嘅二家姐，食第一啖就已經連讚兩句「好正」，因為佢成串嘢金菇同啲燒汁混合埋一齊，簡直係絕配。3.串燒四寶丸 + 司華力腸 （$16@ + $20@）食完兩款串燒，我哋當然唔可以停。接下黎嘅，係彈牙無比嘅肉丸同埋司華力腸。兩款串燒看似平凡，但其實極不平凡。一放上檯，一股難忍嘅香味已經涌上鼻腔；再食一啖，當堂覺得自己好幸福呀!4. 燒鴨胸肉 + 黑椒豬頸肉 （$15@ +$14@）黑椒豬頸肉味道好正～佢係我
今日，咁難得兩個家姐都放工，緊係要一齊去“Happy Hour”啦。我哋一向都好鍾意食串燒、煎釀三寶之類，所以就揀咗呢間《三郎麪燒店》。一開始，我哋見間店嘅地段咁僻遠，都擔心間野會唔會冇咩人去呢? 點知我哋嘅擔心係無謂嘅。
麪燒店裡面嘅裝修富有日本風格，和味無窮……入面唔少客人都係一雙一對嘅情侶，一邊談心，一邊食嘢，sweet到極致!!!老闆一見到我哋，就笑面盈盈，畀咗張點餐紙我哋。家姐即刻瘋狂叫野食，餓到呢……你懂的~
1.串燒雞肶肉 ($18/串)
成串燒到香噴噴，啖啖嫩滑，完全唔油膩! 本來我哋重想叫多幾串，不過為咗留肚食其他嘢，就忍口啦!
2.串燒金菇肥牛 （$18/串）
鍾意金菇肥牛嘅二家姐，食第一啖就已經連讚兩句「好正」，因為佢成串嘢金菇同啲燒汁混合埋一齊，簡直係絕配。
3.串燒四寶丸 + 司華力腸 （$16@ + $20@）
食完兩款串燒，我哋當然唔可以停。接下黎嘅，係彈牙無比嘅肉丸同埋司華力腸。兩款串燒看似平凡，但其實極不平凡。一放上檯，一股難忍嘅香味已經涌上鼻腔；再食一啖，當堂覺得自己好幸福呀!
4. 燒鴨胸肉 + 黑椒豬頸肉 （$15@ +$14@）
黑椒豬頸肉味道好正～佢係我其中一樣當晚既至愛 口感煙韌 爽口彈牙～黑椒味道十足 啲肉仲好juicy 😋 鴨胸肉都唔錯 好重既香烤味🔥🤤
5.墨丸油麪
食完串燒，當然要食番個油麪先叫完美。估唔到佢哋嘅麪底有咁多款選擇，除咗粗、幼之外，重有油麪同出前一丁揀。另外仲可以自選辣度😋 諗咗一陣，我就叫咗個牛腩、墨丸、生菜麪，再加一個牛腩湯底，香味四溢。結果當然冇令我失望啦! 雖然幾粒肉丸放咗係啲湯入面，但仍然好爽口彈牙。
6.紅油炒手 ($28)
最後，食辣食到上癮嘅家姐，就點咗個紅油炒手做ending。成碟嘢紅噹噹，睇落去幾辣，點知食落口先知咩叫真正嘅辣。家姐一口氣鯨吞3隻水餃，可想而知，佢係幾咁鍾意呢碟嘢啦!
呢度除咗可以叫普通罐裝飲品之外，重可以order 紙包飲品。我哋三個好有默契咁叫咗檸檬茶。
食完成個晚餐之後，我無辦法唔畀個Like佢。下次我一定要再黎，試下佢嘅其他美食。重點係真係好抵食，串燒燒得好專業👍🏼
張貼
