豆乳狂人 (已搬遷) 新店位置

有日路經河畔花園，見到有間豆品小食店，人氣爆燈排哂長龍，好奇問左啲排隊既街坊話呢度啲甜品、豆腐花同豆漿做得幾好架，就排隊試下。叫左手工芋泥豆乳， 可自由選擇加唔加黑糖。 手工芋泥豆乳漿單一嘅豆漿， 注入咗芋泥嘅口感， 整得幼細所以口感都幾好， 仲有啲飽肚滿足嘅感覺小食方面我就嗌咗炸豆腐同埋粢飯， 炸豆腐夠乾身做到外脆內軟， 另外就想讚一讚嗰個粢飯真係好夠分量， 加上佢入面嘅油炸鬼仲係脆脆地， 所以呢個粢飯食落相當有驚喜另外嗌咗兩碗糖水分別係芋圓同埋超煙韌豆腐花， 煙韌豆腐花其實係加咗芋圓， 所以食落會有滑滑嘅同埋煙煙韌韌嘅口感，仲有佢嘅豆腐花並唔係一片片放落個碗就而係完整咁喺個碗入面， 所以佢個口感唔錯～另外一款我哋叫咗芋圓自選左綠豆沙同埋仙草， 自由配搭想食咩就食咩，咁都幾好～因為排長龍所以都要等少少時間， 整體食物 都好好食，甜食都唔算太甜，岩一家大細一齊食。佢只做外賣～所以要糖水食物碗都設計得好好，仲有雙重防漏蓋嘅設計， 碗身有夠硬淨， 所以拎返嚟安全無樣～非常好！