漁樂 (黃大仙中心南館)

營業中

休息中

拜完黃大仙，就同朋友仔去附近商場行下，見依間餐廳門面幾得意，就入去試下啦。依門口已見寫到明有多種國家既菜式。入去食午餐，可選擇既菜式真係唔少：有海南雞，越式河粉，泰式菜等等。經過一輪既挑選，最後選擇左香芧烤雞扒&泰“正”金不換炒金邊粉。先講香芧烤雞扒：佢有得選馬來沙嗲沙或者泰皇野菌汁。一個辣，一個唔辣。朋友依個就選左唔辣既野菌汁。雞扒算嫩滑，而且配上清清既菌味，幾好食，唔會肥膩。跟住到金不換炒金邊粉：整碟粉，佢將青檸、糖、辣椒乾同埋花生就分別放係四邊，你鐘意點整就點整。金邊粉炒得乾身而唔會油膩👌。料都唔少，有蝦仁、腸仔、魚片等，口味幾好幾濃。份量量足，男仔都夠飽。