Double K Kitchen

營業中

休息中

今日黎到呢到帶隊，就同左同事黎食飯。之前我黎呢邊都見過呢間野，果陣佢係新開有優惠，今次就錯過左個優惠不過都黎試試新野。係午市黎見到有好多學生，因為呢到學生有折，所以話最幸福都係學生時代。午市都有好多選擇，而且價錢算係實惠，所以就算無折都有好多打工仔黎食。而我就揀左煙肉蘑菇廉炒意大利粉，唔使怕唔飽，仲有餐包、餐湯同一杯熱飲。白湯質素幾好，好重忌廉味，點下餐包食仲入味。意粉汁唔算好多，味道唔算好濃，不過煙肉份量多所以整體都算有味。而份量就真係多，唔使怕食唔飽，女仔可以share食。