拾味正宗刀削麵館 (歌賦街) (已結業)

拾味正宗刀削麵館 (歌賦街) (中環)中環歌賦街43號地舖 近呢兩年冇得去旅行，唯有周圍食吓唔同國家嘅美食。今次嚟到上環一於試吓台式刀削麵🍜 舖頭位置都唔難搵，地鐵站A2出口行一陣就到啦😆 講返啲嘢食先😜⤵️麻辣豬扒刀削麵 $55 嚟到呢度點可以唔試吓佢嘅刀削麵，但款式真係有好多，對於有選擇困難症嘅我都起碼揀咗10分鐘😵‍💫全部都好想試🥴最後揀咗佢嘅麻辣豬扒，豬扒食落口都好香口，仲有脆脆地，但最吸引我嘅都係佢個刀削麵！！咬落好好咬口好*煙韌*。仲有個湯底甜甜地，個麵底份量都唔少😆😆 可以第日再嚟試吓唔同口味嘅刀削麵👍🍜 麻辣牛腩菜飯 $55呢個雖然個牛腩都好厚肉同埋個腩汁都好好送飯，但反而就冇乜太大滿足嘅感覺，可能前面嘅刀削麵實在吸走晒我啲注意力🤣 仲有個菜飯都比較黏口，我自己都比較鍾意食冇咁硬嘅飯，仲要係菜飯添😜 湯水餃（10隻）$48呢個湯水餃入面都好足料，餡料好豐富😎仲要一夾都唔會咁容易就散開，試過食過啲水餃一夾就散，今次就唔使食得咁狼狽🥳總括呢講呢間刀削麵質素實在對得上價錢，想慳下錢食個平平哋飽肚又唔伏嘅晚餐實在可以一試😋 下次經過上環嗰頭諗唔到食咩都會再試吓其他唔同嘅餸🤓 😋