影片
更多
2018-01-23
376 瀏覽
Wasabis手撕雞(例牌)好後悔叫左例牌，太細份，完全唔夠喉！用左wasabis同手撕雞，青瓜絲，火腿絲，海蜇，蟹籽撈埋一齊，食落口多左份wasabis刺激攻鼻既口感，但係又唔會蓋感雞肉既鹹香，會愈食愈上癮😆鼓椒炒蜆一食就知夠鑊氣，蜆肉份量多，而且隻隻都炒到開哂殼，食落口冇沙，加埋d青椒紅椒，好惹味！炸蠔餅鐘意食依款蠔餅多過台式蠔餅。粉漿夠薄，蠔仔夠飽滿，如果上枱時可以再熱d會更好。蒜蓉蒸蝦海蝦一早就切開2邊，面頭舖滿蒜蓉，更加易入味同均勻。食落口，岩岩好，唔會過鹹，蝦肉亦都夠彈牙，冇痴殻。椒鹽九肚魚依個餸我真係十級欣賞，雖然最遲先有得食，不過係最好食，最惹味👍🏻😋九肚魚炸得香口，食落口一d油既感覺都冇，啖啖肉，加上椒鹽既香味，自己一個食哂都冇問題。鹵味併盤份量堅大，入面有齊豆腐，大腸，牛肚，紅腸，牛展，鴨，雞蛋同魷魚。不過鹵得唔夠入味，偏淡。最好食係牛展，煮得夠淋，唔會韌。炒通菜正正常常，冇乜特別。香芒一口酥好特別既甜品，芒果少少酸，出面包住炸到脆卜卜既酥皮，而底層就用左cream舖底，食落口外脆內軟，都唔錯，可以一試。-提提大家，晚飯時間去真係多人到癲左。而且係冇飛拎，自己入去揾
Wasabis手撕雞(例牌)
好後悔叫左例牌，太細份，完全唔夠喉！用左wasabis同手撕雞，青瓜絲，火腿絲，海蜇，蟹籽撈埋一齊，食落口多左份wasabis刺激攻鼻既口感，但係又唔會蓋感雞肉既鹹香，會愈食愈上癮😆
鼓椒炒蜆
一食就知夠鑊氣，蜆肉份量多，而且隻隻都炒到開哂殼，食落口冇沙，加埋d青椒紅椒，好惹味！
炸蠔餅
鐘意食依款蠔餅多過台式蠔餅。粉漿夠薄，蠔仔夠飽滿，如果上枱時可以再熱d會更好。
蒜蓉蒸蝦
海蝦一早就切開2邊，面頭舖滿蒜蓉，更加易入味同均勻。食落口，岩岩好，唔會過鹹，蝦肉亦都夠彈牙，冇痴殻。
椒鹽九肚魚
依個餸我真係十級欣賞，雖然最遲先有得食，不過係最好食，最惹味👍🏻😋九肚魚炸得香口，食落口一d油既感覺都冇，啖啖肉，加上椒鹽既香味，自己一個食哂都冇問題。
鹵味併盤
份量堅大，入面有齊豆腐，大腸，牛肚，紅腸，牛展，鴨，雞蛋同魷魚。不過鹵得唔夠入味，偏淡。最好食係牛展，煮得夠淋，唔會韌。
炒通菜
正正常常，冇乜特別。
香芒一口酥
好特別既甜品，芒果少少酸，出面包住炸到脆卜卜既酥皮，而底層就用左cream舖底，食落口外脆內軟，都唔錯，可以一試。
-
提提大家，晚飯時間去真係多人到癲左。而且係冇飛拎，自己入去揾位架。真係睇你運氣，揀岩個枱食得快就可以好快有位座。如果唔係有可能要等1-2個鐘。
-
好味指數: 8/10
賣相: 6/10
性價比: 7/10
張貼
