影片
更多
2012-08-02
677 瀏覽
雖然呢間舖頭叫 “耀記咖啡”, 其實佢唔止係賣咖啡小食的茶餐廳, 仲有小菜同海鮮食. 黎呢度食既客人都會先去樓下個街市自己買海鮮, 再拎上黎煮, 只係收返小小煮食費用, 仲煮得好夠鑊氣添. 我地三個人買左三種海鮮, 午餐黎講都算好豐富, 有大蟶虸, 大蜆同沙追魚. 大蟶子梗係蒜蓉粉絲蒸啦, 隻隻都有手板咁長, 好好肉, 好食過象拔蚌, D蒜仲要係生熟蒜, 好惹味, D粉絲吸收晒蒜蓉既香味同蟶虸既鮮味, 好食到不得了, 勁多粉絲, 成碗麵咁, 可以當飯食.大蜆我地原本想豉椒炒, 但係老闆娘話咁大隻最好係油鹽水浸, 果然無介紹錯, 小小胡椒辣辣地, 大大碟都只係幾十蚊咋. 再黎係椒鹽沙追魚, 炸到皮脆肉嫩, 又夠乾身, 個魚頭酥脆到好似食炸魚皮咁, 成個連骨食晒, 香口到丫. 另外加多個沙薑雞腳, 好肥美, 送啤酒一流. 價錢真係平到你唔信, 連埋海鮮, 每人都只係百幾蚊咋.
雖然呢間舖頭叫 “耀記咖啡”, 其實佢唔止係賣咖啡小食的茶餐廳, 仲有小菜同海鮮食. 黎呢度食既客人都會先去樓下個街市自己買海鮮, 再拎上黎煮, 只係收返小小煮食費用, 仲煮得好夠鑊氣添. 我地三個人買左三種海鮮, 午餐黎講都算好豐富, 有大蟶虸, 大蜆同沙追魚.
大蟶子梗係蒜蓉粉絲蒸啦, 隻隻都有手板咁長, 好好肉, 好食過象拔蚌, D蒜仲要係生熟蒜, 好惹味, D粉絲吸收晒蒜蓉既香味同蟶虸既鮮味, 好食到不得了, 勁多粉絲, 成碗麵咁, 可以當飯食.
大蜆我地原本想豉椒炒, 但係老闆娘話咁大隻最好係油鹽水浸, 果然無介紹錯, 小小胡椒辣辣地, 大大碟都只係幾十蚊咋.
再黎係椒鹽沙追魚, 炸到皮脆肉嫩, 又夠乾身, 個魚頭酥脆到好似食炸魚皮咁, 成個連骨食晒, 香口到丫.
另外加多個沙薑雞腳, 好肥美, 送啤酒一流.
價錢真係平到你唔信, 連埋海鮮, 每人都只係百幾蚊咋.
張貼
