白鬍子炸魚薯條 (已結業)

秋意漸濃，今次起坐船去尖沙咀前起中環碼頭吹住海風食熱騰騰炸魚薯條，起香港專食炸魚薯條的地方唔多，想食到到出色的炸魚薯條更難。食炸魚薯條氣氛其實都好緊要，今次起碼頭食有涼風吹住邊坐邊食份外寫意。炸魚薯條分左不同款式及口味，原本想食鱈魚不過賣晒，所以留待下一次吧：）今次想推介呢款「檸檬黑椒炸魚薯條$77」，炸魚份量十足，魚肉厚身，質感札實，加入檸檬汁同醋，檸檬的酸帶起個魚味，外層炸得薄脆，炸魚啖啖肉，配埋粗身薯條，整個組合令人非常滿足！