影片
更多
2018-07-01
1004 瀏覽
一路都覺得火炭係個工業區，冇咩野好食。係openrice 睇睇下見到呢間睇落好吸引嘅餐廳，決定去試下～呢間餐廳嘅位置都幾難揾，原來幢工廈分左好多座，座與座之間都唔相通。我一開始都上錯左第二座，搞左一陣先揾到呢度。呢度環境好靚，餐廳都幾大間，如果可以慢慢坐都不失為一個好地方。一坐低侍應就黎送2碗忌廉湯同埋2塊蒜蓉包比我地，我地連餐都未落2樣嘅味道都不過不失。蒜蓉包嘅味道如果可以再濃D就更好！呢度最低消費係一杯野飲，一開始我係度諗應該冇咩人會係lunch time 就咁叫一杯野飲，但見到野食黎之後就明白。朋友叫左份燒牛肉貝殼粉，一開始都冇expect佢係凍食黎嘅，不過依家咁熱嘅天氣食D凍食都幾適合～呢碟粉嘅份量真係唔講得笑，真係多到嚇死人2個女仔share完全冇問題！味道唔錯，沙律醬唔會多得過左龍。貝殼粉軟硬度適中，沙律菜稍稍稔左少少，但都可以接受。呢個價錢食到呢個質素仲要咁大份，真係抵到爛！我就叫左呢個香蒜辣肉腸炒天使麵。其實個人唔太鐘意食辣肉腸，不過對個炒天使麵有興趣。佢唔算太辣，麵嘅口感都炒得唔錯，不過稍稍覺得油左少少。份量方面就冇貝殼粉咁誇張，一個人食就岩岩好。不過辣肉腸就得幾片，
呢間餐廳嘅位置都幾難揾，原來幢工廈分左好多座，座與座之間都唔相通。我一開始都上錯左第二座，搞左一陣先揾到呢度。
呢度環境好靚，餐廳都幾大間，如果可以慢慢坐都不失為一個好地方。
一坐低侍應就黎送2碗忌廉湯同埋2塊蒜蓉包比我地，我地連餐都未落2樣嘅味道都不過不失。蒜蓉包嘅味道如果可以再濃D就更好！
呢度最低消費係一杯野飲，一開始我係度諗應該冇咩人會係lunch time 就咁叫一杯野飲，但見到野食黎之後就明白。
朋友叫左份燒牛肉貝殼粉，一開始都冇expect佢係凍食黎嘅，不過依家咁熱嘅天氣食D凍食都幾適合～呢碟粉嘅份量真係唔講得笑，真係多到嚇死人2個女仔share完全冇問題！味道唔錯，沙律醬唔會多得過左龍。貝殼粉軟硬度適中，沙律菜稍稍稔左少少，但都可以接受。呢個價錢食到呢個質素仲要咁大份，真係抵到爛！
我就叫左呢個香蒜辣肉腸炒天使麵。其實個人唔太鐘意食辣肉腸，不過對個炒天使麵有興趣。佢唔算太辣，麵嘅口感都炒得唔錯，不過稍稍覺得油左少少。份量方面就冇貝殼粉咁誇張，一個人食就岩岩好。不過辣肉腸就得幾片，雖然我不感興趣，但多多DD感覺會良好D
飲品方面我地都叫左凍蜂蜜綠茶，用細細嘅玻璃杯去裝睇落好精緻。雖然唔算好重蜂蜜味，但整體嘅味道不錯。
張貼
