唐記包點 (秀茂坪商場)

營業中

休息中

夜晚屋企冇飯食，想食啲熱辣辣又抵食嘅嘢，就諗起唐記包點。原本以為得蒸飯同蒸包，原來而家多咗好多新嘢！叫咗個新出嘅醬油蛋牛肉飯（$29），加多個鮮竹卷（$18）。醬油蛋牛肉飯量超多，多到一餐食唔晒。味道都唔錯喎，牛肉夠晒入味又唔會嚡。估唔到唐記嘅日式飯都幾得😮。鮮竹卷就一如以往多汁足料，中間啲蔬菜香甜有咬口😋。順便買咗四個凍包蒸熱做早餐。菜肉包、蔬菜香菇包、糯米卷都係$8個，白饅頭仲平啲，$5個，大件夾抵食。啲包夠軟熟，啲餡又足料，好過食連鎖麵包鋪空心包😆。