肉餅哥小炒料理 (已結業)

同朋友夜晚好random地去食肉餅哥，叫左兩個肉餅餐。肉餅可以揀煎或者蒸，我地揀左泰式冬蔭公汁肉餅（煎），同足三兩花膠肉餅（蒸）。先上湯，好飲。跟住泰式冬蔭公汁肉餅（煎）上黎啦，都好多汁下，外脆內軟口感都ＯＫ，又唔算好辣，有d估唔到，平時食肉餅都係蒸嘅多，煎出黎又幾好味，唔錯唔錯！跟住試佢推介嘅足三兩花膠肉餅（蒸），真係好多花膠。。幾層咁。口感好特別好煙韌。花膠下面係肉餅。。配埋D麵都真係好充實下。。下次會想試埋煎版既花膠肉餅。。好似會仲脆口D！本來想叫埋果汁飲，但已經無晒，又唔想飲汽水，叫左兩枝水。