竹家莊

營業中

休息中

因為單身姐姐仔生日佢吹雞叫人請佢食飯，咁啲朋友就叫埋的男人請黎呢度食啦。即刻好似speed dating😂但我只係揍腳而已，佢地互相覓食唔關我事，我淨係黎食😂。咁一出嚟呢為咗等齊啲男人就叫左前菜先。女仕青青地叫咗韮菜，早黎既肥仔就叫咗佢想食嘅豬粉腸。我唔扮細食既就叫咗我最鍾意食嘅避風塘辣椒炒大肉蟹同炒蜆。反正都係叫主菜，就叫埋辣酒煮花螺，蒜蓉粉絲蒸貴妃蚌，椒鹽珍寶賴尿蝦。嘻嘻其他男人嚟唔嚟我都諗住有嘢就食，反正佢地食唔多似係主要目的。一出嚟想着粉腸，肥仔話幾好味幾爽口。韭菜呢我都麻麻哋，因為會攝住啲牙味道無問題既。酒煮花螺就夠辣，都大隻冇沙。蒜蓉粉絲蒸貴妃蚌我覺得唔夠大隻但係幾鮮甜。炒蜆其實我覺得似豆瓣辣椒醬但係又唔辣乜滯，都算幾大隻同大碟。椒鹽珍寶賴尿蝦惹味。避風塘辣椒炒大肉蟹都覺得肉蟹唔夠大隻不過係好味嘅。果啲乾蔥蒜頭辣椒淹沒左隻蟹，蟹身都有辣味好味，8個人分唔夠我食因為我係海鮮精。肥仔見我唔飽，就話一齊叫燒鴨湯河（好明顯佢都唔夠飽借我過橋😂)點知個燒鴨河比想像中好味，湯濃郁燒鴨皮脆肉嫩河粉幾還滑口。呢度啲侍應生全部都上咗年紀嘅招呼好周到。賣單我就乜都唔知，因為男仕請既，價錢好似都