大勝軒丸一 (金星閣) (已結業)

好耐冇旅行，喺香港食🇯🇵日式料理就成為我哋唯一嘅寄託。大勝軒丸一可以話係日本沾麵界始祖之一，之前已經試過佢哋嘅沾麵，今次見到佢哋最近同鱈卵屋合作，推出夏季限定嘅明太子料理，於是就奔住明太子系列而去。餐廳位置唔算易搵，要穿過屋苑入面先見到，雖然入面環境唔算好大，但裝修同設計都幾有日式風格🎎🎏。🍜大勝軒沾麵 $68呢度有十二款沾麵可供選擇，我哋就揀咗最basic嘅招牌沾麵。湯底均由日本工場熬製後直送香港，保證原汁原味。麵體溫度上揀咗微冷，好適合夏天食用。麵條彈牙，份量又夠多。而湯底味道剛剛好，濃郁得嚟又唔會太鹹。👅評分：7.5/10🍜明太子油麵 $88油麵比想像中大碗，而配料亦十分豐富，除咗有一大羹明太子之餘，仲有叉燒、紫菜、筍乾、香蔥。明太子俾得相當足料，每一啖都可以食到明太子，豐富鮮味以外帶有微微嘅辛辣感。醬料沉澱喺最底，味道偏鹹，所以要撈勻啲油麵一齊食。值得一讚嘅係叉燒肥瘦適中，而且紫菜同香蔥喺調味上起咗關鍵嘅角色，令整體味道更加分。👅評分：8/10🥚明太子玉子燒 $58玉子燒偏濕，表面帶有些許焦香，入面包咗香蔥，而上面就有一小撮明太子。一整件放入口先可以試到最正嘅味道，如果食唔到明