更多
2022-10-18
526 瀏覽
今日早收工,想搵間坐得舒服少少嘅餐廳食飯,行吓行吓就見到呢間望落好似唔錯,於是就入左去坐低。水泥牆身、暗黑高背梳化、木地板、吊燈,型格裝修完全滿足我今晚想舒舒服服食一餐嘅欲望。🥖自家烘焙麵包: 我其實幾鍾意食呢度嘅餐包,上枱時熱辣辣,口感非常好,硬中帶軟;點埋黑醋橄欖油進食,更突出麵粉香。🥗三文魚凱撒沙律配日本溫泉蛋: 驚喜係水波蛋,入口滑捊捊,真係有蛋香。沙律菜沾上蛋黃一齊食別有風味;另外,當中嘅生果仲有柑,非常鮮甜,同煙三文魚及薄芝士片嘅鹹香成強烈對比,味道更突出。🍝手製意大利粉配北海道特大帶子: 侍應會問加唔加芝士,我當然一定要啦。帶子煎得兩面金黃,時間啱啱好,唔會韌。意大利粉屬扁意粉,掛汁、口感幾好,軟硬度適中。🍖傳統西班牙燒乳豬($288)最鍾意佢個乳豬皮,豬皮表層爆出氣泡般,像芝麻粒的小點,呢個芝麻皮入口香脆鬆化,較少油脂嘅部份食起嚟都唔會覺得乾硬。至於乳豬肉都幾嫩,入口唔會覺得嚡。呢度唔只坐得舒服,食完豐富一餐,肚子同胃都同樣感覺舒服、滿足。
水泥牆身、暗黑高背梳化、木地板、吊燈,型格裝修完全滿足我今晚想舒舒服服食一餐嘅欲望。
🥖自家烘焙麵包: 我其實幾鍾意食呢度嘅餐包,上枱時熱辣辣,口感非常好,硬中帶軟;點埋黑醋橄欖油進食,更突出麵粉香。
🥗三文魚凱撒沙律配日本溫泉蛋: 驚喜係水波蛋,入口滑捊捊,真係有蛋香。沙律菜沾上蛋黃一齊食別有風味;另外,當中嘅生果仲有柑,非常鮮甜,同煙三文魚及薄芝士片嘅鹹香成強烈對比,味道更突出。
🍝手製意大利粉配北海道特大帶子: 侍應會問加唔加芝士,我當然一定要啦。帶子煎得兩面金黃,時間啱啱好,唔會韌。意大利粉屬扁意粉,掛汁、口感幾好,軟硬度適中。
🍖傳統西班牙燒乳豬($288)最鍾意佢個乳豬皮,豬皮表層爆出氣泡般,像芝麻粒的小點,呢個芝麻皮入口香脆鬆化,較少油脂嘅部份食起嚟都唔會覺得乾硬。至於乳豬肉都幾嫩,入口唔會覺得嚡。
呢度唔只坐得舒服,食完豐富一餐,肚子同胃都同樣感覺舒服、滿足。
張貼