Dear Coffee & Bakery (已搬遷) 新店位置

前排同 Friend 聚舊，想搵間 Café 傾下計，就嚟咗呢間 Bookmark 咗好耐嘅 Dear Coffee & Bakery 食 Lunch。店面空間唔算大，裝潢簡潔，每日都有唔同款式嘅Bagel 賣，一入到去就聞到麵包香😍～煙三文魚 Bagel呢度D Bagel 咁出名，就梗係要叫嚟試下啦！煙三文魚好多時都會醃得好咸，但呢度個味就冇呢個問題。上面再加咗濃厚 Cream Cheese，味道平衡得啱啱好。Bagel 嘅軟硬度都適中，保持住應有嘅濕度，唔會好乾，食得出係新鮮製造😋。招牌紫薯包Bagel 以外，呢個紫薯包都係皇牌之一。紫薯份量十足🍠，每一啖都食到清甜嘅紫薯味，但又唔食死甜，鮮奶咖啡麵包嘅最佳拍檔梗係咖啡啦，所以冇點睇 Menu 就即刻叫咗杯 Latte☕。一見到個拉花就已經覺得好吸引，味道亦唔輸其他專賣咖啡嘅店舖，仲好IGable！整體嚟講，呢度 D 野好食，地方好坐，仲係黃店，下次一定會再嚟幫襯！