金記冰室 (八號花園) (已結業)

都好一段時間冇來大埔，如果要數大埔最多嘢食嘅地方，就一定係八號花園附近！可能因為我太耐冇黎嘅關係,最近見到呢度新開嘅呢間餐廳，而且又排長長嘅人龍，就想嚟呢度試吓。入面嘅裝修風格，無論係餐牌的設計或是桌椅的佈置，都是參照舊式的香港，係呢度用餐的確有一陣陣獨特的香港風味～惹味黑椒牛舌粒炒飯原本我對食牛舌冇咩特別好感，但女朋友話好想試下，一上枱香到我地都嘩咗一聲，牛舌切粒，好易入口，咬起上來好爽口，加上黑椒的配合令到個炒飯更加香口～金牌乾炒牛河係餐牌見到金牌兩個字，又諗起自己都好耐冇食過乾炒牛河，就突然好想食～果然冇令我失望!整體來說比起出面的唔算好油膩，食起上來有種以前港式牛河的味道，牛肉唔太韌，抵讚！