影片
更多
2019-03-09
161 瀏覽
今日同女朋友去大埔食車仔麵，舊墟大明里廣場呢一帶食肆林立競爭大，而呢間郭仔記居然可以係呢度屹立左十幾年，果然有返一定水準呢度車仔麵餸既款式又多選擇又抵食，平至8蚊，最貴都係13蚊，可謂貴極有限。我叫左碗加腩汁既蘿蔔貢丸紫菜金錢肚河粉。首先個湯底幾香牛腩味亦唔會太鹹，用黎配紫菜同河粉就最啱，因為紫菜同河粉都幾吸湯。順帶一提，呢度既紫菜都幾足料👍🏻而呢度既金錢肚炆得好林身又入味，貢丸彈牙得黎仲有陣陣既冬菇香。最後不得不提個雪白晶瑩既蘿蔔，煮得啱啱好夠林身之餘又清甜，食落亦唔會有渣證明揀得好，份量都唔少添。我女朋友就叫左個蘿蔔生菜牛孖根豬軟骨清湯河。牛孖根滷得入味林身，而呢度既豬軟骨比較有咬口，軟骨係脆得黎又唔會太硬。食完碗麵其實都唔覺太口渴，不過我地都照叫杯野飲濕下口。我叫左杯凍檸茶而我女朋友就叫左熱菜蜜，跟餐價9蚊。簡簡單單又係豐富既一餐👍🏻
呢度車仔麵餸既款式又多選擇又抵食，平至8蚊，最貴都係13蚊，可謂貴極有限。
我叫左碗加腩汁既蘿蔔貢丸紫菜金錢肚河粉。首先個湯底幾香牛腩味亦唔會太鹹，用黎配紫菜同河粉就最啱，因為紫菜同河粉都幾吸湯。順帶一提，呢度既紫菜都幾足料👍🏻而呢度既金錢肚炆得好林身又入味，貢丸彈牙得黎仲有陣陣既冬菇香。最後不得不提個雪白晶瑩既蘿蔔，煮得啱啱好夠林身之餘又清甜，食落亦唔會有渣證明揀得好，份量都唔少添。
我女朋友就叫左個蘿蔔生菜牛孖根豬軟骨清湯河。牛孖根滷得入味林身，而呢度既豬軟骨比較有咬口，軟骨係脆得黎又唔會太硬。
食完碗麵其實都唔覺太口渴，不過我地都照叫杯野飲濕下口。我叫左杯凍檸茶而我女朋友就叫左熱菜蜜，跟餐價9蚊。簡簡單單又係豐富既一餐👍🏻
張貼
