家．啡 (已結業)

唔講唔知大埔有間隱世咖啡店🌿 今日下晝嚟到💛家 · 啡，除咗環境優美外，飲品同甜品都值得一讚！🌿Coffee Jelly Latte $85咖啡香濃，啫哩彈牙爽口，口感豐富，好好飲🤤🌿Charcoal Latte $80相比之下，無Coffee Jelly Latte咁香濃，口感比較厚；而我最欣賞嘅地方就係呢度嘅冰係用咖啡做，即使用咗咖啡亦唔會變淡或者影響咖啡嘅味道。🌿Apple Danish 蘋果酥餅 $40酥餅即叫即焗，所以熱辣辣！酥皮非常脆，一咬落去有粒粒蘋果，非常好味，不過份量好少，一人食啖就無。🌿Japan Strawberry Cheesecake 日本士多啤梨芝士蛋糕士多啤梨除咗紅卜卜，仲好香甜，配搭蛋糕唔會太漏。🌿 小結：呢間咖啡店環境清幽，唔單只可以影相打卡，仲可以睇書做吓文青，不過室內坐位唔多，如果夏天要坐出面都幾熱同曬。食物質素高，甜品幾出色，但係價錢偏貴，一杯飲品同一碗拉麵嘅價錢差唔多。