影片
更多
2024-09-06
1678 瀏覽
近排好鐘意食中菜，因為要煮得出好食嘅中菜，技巧同靚嘅材料缺一不可，咁啱有朋友住大埔推介呢個酒家，所以我地就趁weekend黎探下呢個大埔友同試下佢。酒家嘅位置好易搵，就起大埔舊墟中間個公園嘅其中一邊，附近有好多野賣，可以去食同順便行下👍🏻我地去到酒家，係傳統嘅中菜酒家裝修，坐低咗，有啲surprise個Menu嘅設計，有啲西式嘅感覺，而且菜式有好多同埋好似都好好食，搞到我地有選擇困難症🤣我地最後叫咗幾個小菜同甜品。太白花雕醉鮑魚首先黎嘅係一個冷盤，用花雕酒醃味嘅鮑魚，好入味同充滿濃濃嘅酒香，鮑魚口感爽滑，好欣賞餐廳配埋爽脆嘅麻辣蓮藕，令到醉鮑魚嘅味道提升一個層次😍泰國櫻桃鴨拼文興叉燒皇呢個燒味拼盤用上咗文興招牌嘅櫻桃鴨同埋叉燒皇，櫻桃鴨外脆內軟，肉質鮮嫩，同平時出邊食嘅燒鴨好唔同，味道媲美燒鵝，另一方面，叉燒亦都十分出色，濃濃嘅叉燒醬配上半肥瘦嘅叉燒，口感柔軟，味道濃郁，絕對係香港最好食嘅叉燒之一👍🏻特色酸菜沙巴龍躉呢個唔係大陸辣嘅嗰種酸菜魚，味道比較溫和，因為佢用煲上，所以熱辣辣咁，好吸引。酸菜湯味道比較甜，好易入口，而且因為用咗沙巴龍躉，所以魚嘅口感好豐富，充滿骨膠原嘅感覺，連我唔
酒家嘅位置好易搵，就起大埔舊墟中間個公園嘅其中一邊，附近有好多野賣，可以去食同順便行下👍🏻我地去到酒家，係傳統嘅中菜酒家裝修，坐低咗，有啲surprise個Menu嘅設計，有啲西式嘅感覺，而且菜式有好多同埋好似都好好食，搞到我地有選擇困難症🤣我地最後叫咗幾個小菜同甜品。
太白花雕醉鮑魚
首先黎嘅係一個冷盤，用花雕酒醃味嘅鮑魚，好入味同充滿濃濃嘅酒香，鮑魚口感爽滑，好欣賞餐廳配埋爽脆嘅麻辣蓮藕，令到醉鮑魚嘅味道提升一個層次😍
太白花雕醉鮑魚
301 瀏覽
0 讚好
0 留言
呢個燒味拼盤用上咗文興招牌嘅櫻桃鴨同埋叉燒皇，櫻桃鴨外脆內軟，肉質鮮嫩，同平時出邊食嘅燒鴨好唔同，味道媲美燒鵝，另一方面，叉燒亦都十分出色，濃濃嘅叉燒醬配上半肥瘦嘅叉燒，口感柔軟，味道濃郁，絕對係香港最好食嘅叉燒之一👍🏻
泰國櫻桃鴨拉拼文興叉燒皇
168 瀏覽
0 讚好
0 留言
特色酸菜沙巴龍躉
呢個唔係大陸辣嘅嗰種酸菜魚，味道比較溫和，因為佢用煲上，所以熱辣辣咁，好吸引。酸菜湯味道比較甜，好易入口，而且因為用咗沙巴龍躉，所以魚嘅口感好豐富，充滿骨膠原嘅感覺，連我唔食得辣嘅朋友都大讚👍🏻
特色酸菜沙巴龍躉
144 瀏覽
0 讚好
0 留言
呢個係一個好考功夫嘅菜式，因為要keep住枇杷豆腐柔軟嘅口感，但係出邊嘅金沙炸皮又要香脆，而文興做得到，金沙炸皮充滿濃濃嘅鹹蛋味，但係完全冇掩蓋豆腐豆味，所以我哋一人一嚿咁好快就食曬😋
金沙琵琶豆腐
106 瀏覽
0 讚好
0 留言
文興嘅炒飯炒得好好，粒粒分明，而且每粒飯都有蛋香，配上好多鮮蝦仁，蛋白同埋菜粒，充滿口感，絕對係一個高質嘅炒飯👏🏻
文興招牌炒飯
65 瀏覽
0 讚好
0 留言
食中菜，飲中湯係必須嘅，是日例湯係粉葛豬骨湯，唔好以為例湯就一定係交行貨，呢個絕對係一個落足材料嘅老火例湯，飲落每啖都充滿誠意😋
是日例湯
35 瀏覽
0 讚好
0 留言
最後我哋叫咗一個甜品，叫做中式心太軟，我哋係因為佢個名夠晒特別而叫嘅，其實佢係燉蛋白加燉奶，而燉蛋白中間有雪蛤膏，所以係一個好養生嘅甜品，出邊未食過，我哋食完都大讚好味。
中式心太軟
36 瀏覽
0 讚好
0 留言
總括嚟講，文興酒家絕對係大埔一間臥虎藏龍嘅高質素中菜館，我哋一定會再去食😋
張貼
