華輝餐廳 (已結業)

一場來到大埔，無得食群記清湯腩、欽記魚旦粉已經好唔抵，以我嘅性格，怎能吃完陳漢記就走!？所以，大埔這一轉兜埋華輝，吃有名嘅蘋果批同法式雞批，飲杯港式奶茶抖一抖。 這裡的蘋果批、法式雞批都有分三角批、小圓批，同價錢的，大小也差不多。三角批就是大圓批切出來的。全部都可以堂食或外賣。一般來說，外賣買小圓批或者整個大圓批比較好，因為運送時郁到d批都唔怕d個批散唒。堂食的話，我比較喜歡三角批，因為感覺比較多料。當天下午茶時間來到，點了三角蘋果批、圓形雞批各一，上枱時兩者都是暖暖的。 雞批是忌廉白汁的，內有雞肉粒、火腿絲、青豆，批皮鬆化可口，好吃，但感覺不算很特別。蘋果批內充滿了粒狀蘋果餡，混有少量提子乾，吃到的是牛油批皮配上蘋果的原味，不會過甜，很好吃! 要立即多買幾件回家跟爸媽分享!華輝就在大埔墟街市大樓對面，街市大樓日夜咁多好嘢食，下次過開嚟搵食，可以打電話留定個批，慢慢嘆!