蛇竇茶記 (德輔道西)

營業中

休息中

經外賣平臺叫咗食物，一共要咗三個餸。每款小菜都有附送白飯同埋飲品。 先講沙薑雞（半隻）（$111）。雞肉好香，好重沙薑味。瘦位唔會太韌，肥位唔會太梅，啲肉好有咬口，好味！唯獨係嗰底有少少太油，算係美中不足。 茶王叉燒炒蛋（$94）份量好多。叉燒係瘦叉，但都好有蜜香。炒蛋份量好多，目測起碼用咗5隻蛋。不過可能係外賣嘅關係，啲蛋有少少過熟，就唔會有好「滑」嘅情況。 最後係金銀蛋浸時菜（菜心）（$94）。菜心比較少，少過十條，但係配料就好充足。以菇類為例，就有金針菇、杏鮑菇、冬菇等等。金蛋（鹹蛋）同銀蛋（皮蛋）都有好多下。 白飯好大碗，一兜有碗半份量。餐飲就普普通通，冇乜特別。 總括而言，食物份量真係好多，三個小菜套餐，應該夠四個成人食。