紅磡冰室 (已結業)

呢間冰室係我爺爺既飯堂，今次過去搵佢，佢帶左佢黎呢度食，話價錢平又夠大份，員工又熱情。嗯，係既，佢既份量真係好大，叫左一個雞粒菠蘿炒飯，用菠蘿裝住個炒飯，喺茶餐廳來講的而且確係超額完成，因為成日覺得喺茶餐廳唔會有呢一種款式提供，但佢呢度有，真係令人有驚喜。另外，叫咗個班腩豆腐枝竹煲，一樣地份量好足夠，枝竹特別多又入味，真係好高質素，難怪我爺爺不停對佢有讚冇彈。不過兩個人叫兩個餸都真係食唔晒。見到店舖大多數食嘅都係附近嘅街坊，相信呢間店舖係受街坊歡迎嘅😊