影片
更多
2016-09-25
334 瀏覽
唔好怪我敷淺，我一諗想德國就第一時間諗起德國嘅型男，d型男型到呢。。。隨街見到都型過人，係成個歐洲中最型嘅男性，又型又大隻！哎，唔好意思^_^講返食物先都係。德國諗起嘅呢最出名就係有德國嘅鹹豬手，同埋德國嘅腸仔。兩樣我都好中意食，特別係腸仔，又多款式，有多味道，正餐食得，小食都得。其實而家喺香港唔算多德國餐廳嘅出現，通常就係食西餐嘅時候有埋德國菜，以德國菜為主嘅餐廳比較小，呢度有一間專食德國料理嘅餐廳，所以就去試一試佢先。先來一個腸仔沙律，其實講真食咁耐沙律都未試過食德國腸仔沙律，呢個沙律入邊有沙律菜，有洋蔥，有酸瓜同埋有好多腸仔，味道似芝士腸，但係味道俾芝士腸更豐富，估唔到腸仔配沙律再加啲醋汁，食落去又幾好食喎。之後就叫咗兩個餐湯呢兩個餐湯真係幾特別下，一個餐湯顏色就以紅色為主，睇落去有少少似以蕃茄味為主嘅羅宋湯，飲落去係完全估唔到原來佢係酸味嘅青椒湯味，嗰種感覺好特別好開胃，但係又一啲都唔辣，入面仲有好多牛肉係到非常之濃郁。另外一種餐湯就係白色為主，呢種餐湯飲落去就非常之傑身，佢係用薯仔來煲呢個湯，入面充滿咗薯仔蓉，另外仲會有啲細蘿蔔粒，同埋有啲香草喺度，飲落去相比頭先個湯味道就會
哎，唔好意思^_^講返食物先都係。德國諗起嘅呢最出名就係有德國嘅鹹豬手，同埋德國嘅腸仔。兩樣我都好中意食，特別係腸仔，又多款式，有多味道，正餐食得，小食都得。
其實而家喺香港唔算多德國餐廳嘅出現，通常就係食西餐嘅時候有埋德國菜，以德國菜為主嘅餐廳比較小，呢度有一間專食德國料理嘅餐廳，所以就去試一試佢先。
先來一個腸仔沙律，其實講真食咁耐沙律都未試過食德國腸仔沙律，呢個沙律入邊有沙律菜，有洋蔥，有酸瓜同埋有好多腸仔，味道似芝士腸，但係味道俾芝士腸更豐富，估唔到腸仔配沙律再加啲醋汁，食落去又幾好食喎。之後就叫咗兩個餐湯呢兩個餐湯真係幾特別下，一個餐湯顏色就以紅色為主，睇落去有少少似以蕃茄味為主嘅羅宋湯，飲落去係完全估唔到原來佢係酸味嘅青椒湯味，嗰種感覺好特別好開胃，但係又一啲都唔辣，入面仲有好多牛肉係到非常之濃郁。
另外一種餐湯就係白色為主，呢種餐湯飲落去就非常之傑身，佢係用薯仔來煲呢個湯，入面充滿咗薯仔蓉，另外仲會有啲細蘿蔔粒，同埋有啲香草喺度，飲落去相比頭先個湯味道就會較清淡。
之後就係主角嚟喇！就係德國嘅鹹豬手，一嚟到嘅時候會原隻豬手，跟住店員就會好細心咁樣問你要唔要影相先，咁不嬲相機食先嘅我，梗係要影咗相先啦，當完成左之後呢店員就會好細心咁樣幫你攞返入去廚房到切，切開一件件出嚟方便我地食。
呢隻豬手個皮脆到呢，真係未食過一隻豬手可以甘脆，佢嘅脆有小小似中式嘅燒腩仔，但係佢塊皮係會痴住塊肉一齊唔會散開嘅，所以上邊脆卜卜，下面舊肉就好有質感，食落去有雙重嘅口感，超級超級好食！
(我都忍唔住要問一問佢哋究竟呢隻豬手係用咗啲乜嘢方法來煮，可以令塊皮咁脆，原來呢，店員就透露個豬手呢係焗出嚟嘅，所以唔使怕會肥。)大蝦墨魚汁意大利飯--一聽個名已經知道係矜貴自選啊！大大隻大蝦！再配埋超級多嘅墨魚，另外個意大利飯用墨魚汁煮嘅，墨魚汁味濃。意大利飯就比較硬身，屬於硬身型，咬落去好有嚼口。
其實食到來呢度已經非常之飽啦，因為呢度嘅嘢食一d都唔細，但係又點可以無咗個甜品喎。甜品就揀咗兩個芝士蛋糕，呢兩個芝士蛋糕就唔係普通味道嘅芝士蛋糕。一個就係芝麻味，另外一個就係有柚子芝士蛋糕。
比較特別要推介食嘅就係呢個柚子芝士蛋糕啦，因為係出面完全都未試過有呢啲咁清新嘅口味，估唔到柚子配埋芝士嗰種感覺都幾清新，柚子嘅味淡淡散出，又唔會遮左芝士的味，味道有少少秋天嘅感覺，啱晒依家食啦！
張貼
