Cafe 1950歐陸餐廳 (已結業)

行過見有新餐廳開咗，見門面幾靚，又唔算多人門口重有塊板寫住無限添飲，岩晒我隔離隻水怪，所以就同男朋友入咗去試下啦～環境都幾大，好多都係梳化位叫主食加錢會有埋湯同飲品，加咗12蚊之後，飲品真係可以無限添架個餐湯就無得揀，一定係雜菜湯，稀稀地，但都幾濃蕃茄味因為價錢平，所以我地都叫咗好幾樣野食，男朋友鐘意香口野，要咗個美國脆香雞翼，個皮幾脆，啲肉都幾滑，幾香口我比好鐘意啲重慶或者新彊嘅味粉，所以叫咗個新彊燒原條茄子試下,但覺得唔夠味，比較淡口，鐘意落勁多粉嗰啲，好彩唔算油之後重有個白酒忌廉藍青口,聞落都幾，有好多隻，唔算太大，食落淡淡地，有啲忌廉香，又無腥味，都可以接受呀之後重叫咗我最鐘意嘅美式燒豬仔肋骨，真係好大條！上面有勁多燒烤醬，甜甜地，但比平時嘅燒烤醬酸啲，肋骨唔算多肉，但都幾入味，同埋好夠腍，不過兩個人食好似多咗啲整體黎講都算唔錯呀，見到門口重有雜誌同小遊戲，下次要再去試下其實野食，一路玩一路食