加點茶 (已結業)

鋪頭售賣果茶、沙冰、芝士奶蓋、珍珠系列等飲品，門外已經有一大個menu，有埋相片睇，選擇花多眼亂。叫左黑糖珍珠可可鮮奶($32)。一拎上手就見到層層layer，底部係大量黑糖珍珠，中間就係可可鮮奶。攪一攪之後，珍珠出現哂，黑糖混入可可鮮奶中，黑糖甜味突出，朱古力奶冇得輸，凍飲一樣好味。珍珠煙韌，而且數量好多，飲極都有，讚。同行友人既飲品杯身都有紋路，好靚。而且店鋪仲有半價優惠，大杯之餘又好抵飲。除左飲品，亦有小甜品奶凍售賣添。而冬天時期，有黑糖系列熱飲，暖入心。整體，大杯飲品，行街飲超爽，而且味道濃郁，就算唔係優惠期間買，都好抵飲。