Bun Cha Vietnamese (滿發大廈)

營業中

休息中

大少呢一排比較鍾意去堅尼地城，我哋今日去咗k-town食越南粉。呢一間越南粉，响中環都有分店。上次响中環食完冇寫comment，今次特登嚟堅尼地城食多一次。中環個Menu係英文，堅尼地城嘅Menu係中文。仲有中環嗰度冇set lunch，堅尼地城呢度係有包嘢飲。我哋叫咗生熟牛肉雙拼河，同埋熱檸蜜。碗越南河真係好大碗，我叫咗少粉都食唔晒。碗河粉當然有生熟牛肉，亦都有牛𦟌同牛腩，除咗呢啲，配菜仲有九層塔，洋蔥，青蔥粒同芽菜。我自己就比較喜歡個湯底唔係太鹹。個湯加埋青檸汁，再加辣椒仔，簡直一流。大少鍾意食越南河粉時配越南辣椒醬是拉差，呢間鋪頭都有辣椒醬，但係唔係大少食開嘅是拉差，所以大少有少少扁嘴。同埋大少都有講過啲牛腩有少少煙韌，咬唔開。碗河粉真係大大碗又多餸，大少都食唔晒碗粉。我個人認為呢間鋪頭比起中環果一間好多，唔迫夾，環境亦清靜好多。