阿閒泰 (K11購物藝術館)

營業中

休息中

救命呀，平日晚上6:30已經要開始排隊，建議大家要早啲嚟串燒併盤分別有羊肉，豬肉同雞肉，串燒份量比較少，作為小食黎講一流。三款串燒都燒得有D 乾身，而且配嘅醬汁唔係我平時食開嘅沙爹醬，呢個醬汁鹹得黎又酸酸地咁，食落都幾開胃。雞肉同豬肉都正常發揮，羊肉比較特別，因為食落唔羶得黎但依舊都會食得出羊肉嘅味道。整體肉質外脆肉軟，點上秘製酸甜醬口味更突出自家手打脆炸蝦餅有3件，依舊份量都係唔算多，新鮮炸起嘅蝦餅熱辣辣，外皮炸得香脆而內部嘅蝦膠爽口彈牙。手切肉眼爽彈牛丸船粉，係用上泰國空運直送嘅卷粉，口感煙韌有少少似河粉，而船湯湯底味道濃郁，同船粉係天衣無縫嘅配合，牛丸同牛肉都係用高質嘅材料，食落零舍唔同。 芒果椰汁糯米上層係乳酪雪糕，下面就係椰汁糯米，呢個甜品唔單只外型一流，而且味道都係滿分。