茶跡 (已搬遷) 新店位置

茶跡係尖東站附近，交通方便，店內環境舒適，仲有幾個打卡位，仲有幾張枱可以坐低，播住歌，氣氛非常chill! 試咗佢哋嘅招牌手打香水檸檬茶。茶跡嘅茶飲都係手打架，唔加任何添加劑，真係好健康同新鮮！可以要求唔加糖，去冰，內有新鮮椰果肉，非常清新爽口。茶味同檸檬味都非常搭配，唔會太甜，飲落去好舒服，又解渴！除咗茶飲，我仲試咗佢哋嘅小食炸豆腐。炸豆腐外脆內軟，配埋芥末醬，好惹味！熱騰騰嘅十粒只係二十五蚊，物超所值！下次想再試其他小食！