三盞燈茶座 (已搬遷) 新店位置

與兩位友人到大澳一日遊，在棚屋間看到別樹一格的三盞燈餐廳，於是就入去睇下。老闆娘人很好，我們都未幫襯，佢就話唔食野都無所謂，可以隨便參觀。參觀完覺得老闆娘好有心做好間咖啡店，覺得野食應該唔會差得去邊，所以大家就決定食個Brunch。我地叫左個pizza餐同埋一份炸魚餅味道都唔錯，仲飲左老闆娘推薦嘅檸蜜特飲。我地係三盞燈咖啡店逗留左個幾鐘，一路吹住海風，邊吹水邊欣賞大澳魚鄉景色，感覺好放鬆。當日因爲時間尚早，客人唔多，老闆娘見得閒，於是向我地推介左幾個大澳景點，我地走之前，佢仲送左壺薰衣草綠茶俾我地飲。可惜老闆娘話因為佢要返英國，所以咖啡店開到五月就會閂門，唔知幾時先會再返香港，so sad。