影片
更多
2014-01-20
2218 瀏覽
我同妹子都好鍾意抹茶，特別係抹茶甜品，一直好想試抹茶館，不過佢只有3間分店，對住香港島嘅我地嚟講唔太方便。今日襯星期日，終於的起心肝去鑽石山試吓。下晝3點唻到，唔太多人，我地即刻有位坐，不過坐左半個鐘到，外面已經排隊等位。我地食左lunch, 唸住試吓甜品，所以叫左抹茶tiramisu同抹茶巴菲杯，不過見到有好抵食嘅熱狗餐，就叫埋試吓，最後當然唔少得傳統抹茶啦。最快到係傳統抹茶，和式木盆上有裝上抹茶粉嘅瓷碗，一壼熱水，兩粒白玉，一碟糖，同抹茶專用嘅“發”。我立即跟著附上嘅步驟試整，其實都好難兼好費力，要保持個“發”垂直打轉，我打左好耐先起泡，碗茶都凍晒。附送嘅白玉，口感麻麻，食左一粒自己唔想食，完全唔似平時日本食嘅白玉質地。跟住到嘅就係抹茶tiramisu.之前喺openrice見d食評都鑽晒，所以一直好想試，兼好高期望，tiramisu裝喺木盒仔度。佢望落都幾吸引，面頭鋪滿抹茶粉，食落都好幾香抹茶味，芝士味啱啱好，中間夾一層蛋糕，食落冇咁膩，仲附送一杯苿莉花茶，食完甜品飲啖茶，啱晒。抹茶巴菲杯外形幾靚，頂層係抹茶雪糕，跟住係忌廉紅豆，粟米片下面係豆腐布甸，最底層係抹茶寒天。我覺得抹茶
我地食左lunch, 唸住試吓甜品，所以叫左抹茶tiramisu同抹茶巴菲杯，不過見到有好抵食嘅熱狗餐，就叫埋試吓，最後當然唔少得傳統抹茶啦。
最快到係傳統抹茶，和式木盆上有裝上抹茶粉嘅瓷碗，一壼熱水，兩粒白玉，一碟糖，同抹茶專用嘅“發”。我立即跟著附上嘅步驟試整，其實都好難兼好費力，要保持個“發”垂直打轉，我打左好耐先起泡，碗茶都凍晒。附送嘅白玉，口感麻麻，食左一粒自己唔想食，完全唔似平時日本食嘅白玉質地。
跟住到嘅就係抹茶tiramisu.之前喺openrice見d食評都鑽晒，所以一直好想試，兼好高期望，tiramisu裝喺木盒仔度。佢望落都幾吸引，面頭鋪滿抹茶粉，食落都好幾香抹茶味，芝士味啱啱好，中間夾一層蛋糕，食落冇咁膩，仲附送一杯苿莉花茶，食完甜品飲啖茶，啱晒。
抹茶巴菲杯外形幾靚，頂層係抹茶雪糕，跟住係忌廉紅豆，粟米片下面係豆腐布甸，最底層係抹茶寒天。我覺得抹茶雪糕嘅抹茶味唔夠濃，同via tokyo比，佢唔夠滑，不過都冇via tokyo咁膩。題外話，個杯真係好高，食嘅時候一定要扶住，如果唔係好易成杯跌左冇得食。
熱狗餐包一隻熱狗同沙律，仲有一碗清湯，下午茶嚟講份量都好夠，我地試左照燒汁豬肉熱狗，條腸幼身不過好爽口，夾埋d肉一齊食，好味，要彈嘅係個沙好淡。
張貼