泉記金喜來海鮮飯店 (已結業)

係柴灣做開嘢，又到食晏時間，漁灣街市係附近，去。叫咗四個餸，送例湯，係粟米紅蘿蔔湯，ok。蝦仁炒蛋~蛋香、蝦鮮，明顯唔係雪藏貨(如果係，師傅處理得極好)，超正。涼瓜炆鯇魚~本來想叫"倉"魚，不過無貨，改鯇魚，鯇魚件先走油，再炆，鯇魚件又夠，香，濃(啱我)。另外叫咗雜菜煲，蒸排骨，都幾ok。一人一大碗飯，四個大人食唔哂。每人$40-，好合理。