野川拉麵 (已結業)

今日放假特登出去搵下野食順便搵下有冇好野食，原來B仔附近有間拉面喎，一於入去試試佢。估唔到舖仔細細，張menu又幾多野揀烏冬，拉面，炸物，串燒都有。仲有唔同既酒類，夜晚都可以同fd黎宵夜飲啤酒。第一次當然就食招牌野川讚歧烏冬，豬骨湯底。大大碗有蝦，有扇貝，蟹柳同埋叉燒，啱晒我呢啲咁貪心既人。湯底唔會太濃，冇咁易濟。再叫咗支綠茶味可樂，幾特別，冇一般可樂咁甜，小小綠茶味，重點係好夠氣！！下次要再試下其他日本飲品。好多係其他地方都未見過。再叫咗個蟹肉炸餅，配埋沙津醫好夾！估唔到係平時冇留意屋企附近都有好野食，下次約埋朋友黎啤啤佢再試下啲燒物再報告畀大家聽。