金潮小廚

營業中

休息中

男朋友介紹既餐廳，係佢同朋友會黎既飯聚既地方。佢都一段時間無黎啦，今次帶我黎試下。💟xo醬爆墨魚咀（$90）xo醬味道唔夠，但整得幾爽口，有口感，有d西芹同磨菇係入面。💟魚香茄子煲（$100）個煲好保温，食落都好熱辣辣。茄子係去左皮既，食落更加淋身，有d肉碎，都幾入味。💟沙拉蝦球（$170）睇落以為好厚粉，但原來入面隻蝦係幾大隻下，肉質食落都彈牙新鮮，配埋沙拉醬食，好正！好邪惡～仲有片菠蘿伴碟，解下油膩感。不過感覺價錢就有d貴啦。呢到d野份量都比較多，大碟既，而且好有鑊氣，味道都好好食，送飯一流。