金船長餐廳 (已結業)

我同老婆新婚時雖然只係奧運站住左一年, 不過我地呢對無飯夫婦基本上每日都會去大角咀開餐, 呢邊餐廳數量非常多, 而且食物質素都好好, 當中我地去得最多嘅一定係呢間金船長餐廳。今日我同老婆放工專程過黎開餐, 嚐嚐久違了嘅黑松露夾心pizza。我地未夠7點已到餐廳, 因為未到晚市繁忙時間, 客人未係好多, 餐廳裝修以木啡色為主, 擺放左好多以船為主題嘅擺設, 配合柔和燈光, 非常有情調。😚我地點左一客得獎pizza, 我最愛嘅西冷扒同老婆最愛嘅羊架, 加埋甜品, 應該好夠食。😁黑松露菌醬意式馬斯卡普芝士夾心比薩 16吋 $108我地每次來金船長餐廳都必定會點呢個得獎名菜, 夾心pizza外層焗得夠香脆, 中間黑松露醬飽滿, 每啖入口都充滿濃郁嘅黑松露香味, 沾上特製葡萄醋, 味道更好。😍美國特級西冷牛扒(10安士) $2785成熟嘅10安士西冷牛扒, 牛扒鮮嫩肉汁, 濃濃牛扒味道香濃, 口感軟腍之餘又有咬口。👍燒紐西蘭羊架(8安士) $188老婆最愛食羊架, 佢點呢款紐西蘭羊架7成熟, 肉質富有彈性, 羊肉味濃, 份量好多, 我要幫老婆手先食得哂。😆心太軟朱古力布甸 $38主菜加$38可加