港原味 (已搬遷) 新店位置

今晚又去大角咀探朋友BB，就搵定間餐廳食飯。大角咀多小店，呢間算係值得一試嘅！位於大角咀地鋪嘅「港原味」裝修非常有特色，全部都係港式設計元素，帶遊客朋友嚟應該會幾開心啊哈哈！餐廳員工服務態度都好友善，會介紹有咩好食。海皇腐竹浸時蔬（$65）：有魚肉同魷魚做湯底，湯非常鮮甜喔！配埋新鮮娃娃菜，好好味！京蔥爆安格斯牛肉（$70）：葱爆過嘅牛肉簡直無得輸，肉質非常鮮嫩。連唔食洋蔥大蔥嘅朋友仔都不停食。黑椒圓蹄（$68）：呢個就中規中矩，以為係成隻豬手，原來係切片的，不過都有一定分量嘅。