榮熙茶餐廳

營業中

休息中

去到大角咀做野，放工當然要立既醫肚。這區有好多食肆，但我最愛去茶餐廳，快靚正。我們撞手神找來一間茶餐廳。餐廳裡面好乾淨，感覺不錯，而且座位寬敞，坐得都好舒服。餐牌上的食物種類有好多，所以不愁沒有啱胃口的食物。越式雞扒香葉辣椒肉碎炒飯$68好大碟的炒飯，飯量好多。飯炒到粒粒分明，而且個粒飯到有味，好香香葉和辣椒，但食落又不辣。雞扒好大磈！所以好物有所值。芝士焗海鮮飯$68同樣份量好多，食完一定飽肚！白汁香濃，芝味濃郁。有好多海鮮，魷魚爽口彈牙，魚磈嫩滑，裡面還有蟹柳，認真不錯。西蘭花炒帶子$88想食菜，所以點了個小菜。這個菜可以加$10轉餐，會有白飯和湯。西蘭花好翠綠新鮮，最欣賞它裡面完全不欺場，一碟有許多帶子。帶子大大粒，肉質鮮嫩！這間餐廳的質素不錯，價錢大眾化，以茶餐廳來說可以番戟。